Роджэр Янг

У Вікіпедыі ёсць артыкулы пра іншых асоб з прозвішчам Янг.
Роджэр Янг
англ.: Rodger Young
Rodger Young.jpg
Дата нараджэння 28 красавіка 1918(1918-04-28)[1][2]
Месца нараджэння
Дата смерці 31 ліпеня 1943(1943-07-31)[1][2] (25 гадоў)
Месца смерці
Грамадзянства
Прыналежнасць Нацыянальная гвардыя ЗША
Армія ЗША
Род войскаў Пяхота
Гады службы 1938 – 1943
Званне Сяржант (добраахвотна паніжаны да радавога)
Часць 37-ая пяхотная дывізія
Бітвы/войны Другая сусветная вайна:
Бітва за Нью-Джорджыю
Узнагароды і званні
медаль Пашаны, ЗША

Роджэр Уілтан Янг (англ.: Rodger Wilton Young; 28 красавіка 1918, Тыфін, ЗША — 31 ліпеня 1943, Мунда, Саламонавы Астравы, Вялікабрытанія) — амерыканскі салдат часоў Другой сусветнай вайны, які загінуў падчас бітвы за Нью-Джорджыю, калі прыкрываў адыход свайго ўзвода. За гераізм быў пасмяротна ўзнагароджаны Медалем Гонару (вышэйшай узнагародай ЗША) і Пурпурным Сэрцам.

Янг нарадзіўся ў Тыфіне, Агая ў сям’і Нікаласа Янга. Падлеткам быў аматарам палявання, дзе развіваў свае стралковыя навыкі. Падчас першага года ў старэйшай школе падчас гульні ў баскетбол атрымаў траўму, ад якой пачаў страчваць слых і зрок, і на другім годзе быў вымушаны кінуць адукацыю з-за таго, што не мог чуць настаўніка і бачыць дошку.

У 1938 годзе, ва ўзросце 20 год, ён запісаўся ў Нацыянальную гвардыю Агая, бо лічыў, што з-за праблем са здароўем не зможа трапіць у армію. Нягледзячы на яго маленькі рост (1,57 м) і той факт, што яму прыходзілася пастаянна насіць акуляры, ён лічыўся добрым жаўнерам.

У кастрычніку 1940 года, падчас падрыхтоўкі ЗША да вайны, Роджэр Янг трапіў у склад дзейснага войска ў якасці інструктара, атрымаўшы званне капрала. Пасля павышэння да сяржанта яго назначылі камандзірам аддзялення, а яго 148-мы полк быў пераведзены на Фіджы ў рамках абароны ціхаакіянскіх тэрыторый Брытаніі ад японцаў, а потым на Саламонавы астравы для падрыхтоўкі да вызвалення Нью-Джорджыі. Упэўнены, што яго праблемы са здароўем паставяць яго падначаленых пад пагрозу, Янг папрасіў складання з сябе паўнамоцтваў камандзіра і звання сяржанта. Пасля медыцынскага абследавання, што выявіла яго амаль поўную глухату, яму было рэкамендавана застацца ў шпіталі, аднак ён настаяў на ўдзеле ў аперацыі.

Праз тыдзень, 31 ліпеня 1943 года, Янг удзельнічаў у рэкагністыроўцы. Калі патруль з 20 чалавек ужо вяртаўся на базу, яны трапілі ў засаду, дзе двое загінулі адразу ж, а сам Янг быў паранены. У няўдалай спробе флангавай атакі загінула яшчэ два жаўнера. Тады, нягледзячы на загад камандзіра прарывацца, Роджэр Янг у адзіночку атакаваў пазіцыі праціўніка і памер, але рэшткі яго ўзвода здолелі адысці без страт.

Зноскі

  1. 1,0 1,1 Rodger Wilton Young // Find a Grave — 1995. Праверана 9 кастрычніка 2017.
    <a href="https://wikidata.org/wiki/Track:Q63056"></a>
  2. 2,0 2,1 Rodger Wilton Young // TracesOfWar
    <a href="https://wikidata.org/wiki/Track:Q98839586"></a>
⚙️ 
  Генеалогія і некрапалістыка
Find a Grave
Нарматыўны кантроль
LCCN: n97006958 · VIAF: 78057322 · WorldCat VIAF: 78057322